Мамлекеттик ишканалардын, өнүктүрүү фонддорунун жана мамлекеттин үлүшү бар акционердик коомдордун иши талкууланды

Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын Жетекчиси Акылбек Жапаров Кыргыз Республикасынын Финансы министрлигинде жыйын өткөрдү.

Жыйындын жүрүшүндө I жана II кварталда республикалык бюджеттин аткарылышына байланыштуу маселелер талкууланды. Ошондой эле мамлекеттик ишканалардын, өнүктүрүү фонддорунун жана мамлекеттин үлүшү бар акционердик коомдордун ишмердүүлүгү талкууланды.

Жыйындын соңунда Министрлер Кабинетинин башчысы бир катар тапшырмаларды берди, анын ичинде мамлекеттик үлүшү бар акционердик коомдор үчүн бирдиктүү отчеттуулук формасын иштеп чыгуу жана бекитүү, ошондой эле алардын ишине көзөмөлдү күчөтүү