Президент Садыр Жапаров Россиянын Мамлекеттик Думасынын Федералдык Жыйынынын Төрагасы Вячеслав Володин менен жолугушту

Кыргыз Республикасынын Президенти Садыр Жапаров бүгүн, 7-майда, Ржев шаарында Россия Федерациясына жасаган расмий сапарынын алкагында Россия Федерациясынын Мамлекеттик Думасынын Федералдык Жыйынынын Төрагасы Вячеслав Володин менен жолугушту.

Эки тараптуу кызматташтыктын бир катар маселелери, анын ичинде Кыргызстан менен Россиянын ортосундагы мамилелерди тереңдетүүдөгү парламенттер аралык өз ара аракеттенүүнүн ролу боюнча пикир алмашуу болду.

Мамлекеттик Думанын Төрагасы Вячеслав Володин Садыр Жапаров менен учурашып, Россия Федерациясы Кыргыз Республикасы менен бардык чөйрөнү камтыган ар тараптуу мамилелерди баалай турганын белгиледи.

Ал өнүгүү үчүн бардык күч-аракетти жумшоо менен Кыргызстан менен Россиянын ортосундагы союздаштык жана стратегиялык өнөктөштүк принциптерине негизделген достук мамилелерди мындан ары да чыңдоонун маанилүүлүгүн белгиледи.

Ошону менен бирге Вячеслав Володин эки тараптуу кызматташтыктагы оң динамиканы белгиледи. Негизинен бул соода-экономикалык чөйрөдө.

Президент Садыр Жапаров Вячеслав Володинди келе жаткан улуу майрам – Жеңиш күнү менен куттуктады.

Мамлекет башчысы парламенттик дипломатия эки тараптуу мамилелердин ажырагыс бөлүгү жана өлкөлөр ортосундагы эки тараптуу мамилелерди сактоо жана өнүктүрүү үчүн абдан маанилүү курал экенин белгиледи.

Ал өлкөлөр ортосундагы тыгыз жана ишенимдүү саясий диалогдун аркасында кыргыз-орус мамилелерин өнүктүрүүдө оң динамика сакталып жатканын баса белгиледи. Бүгүнкү күндө эки өлкөнүн парламенттери парламенттер аралык диалогдун бардык аянтчаларында, атап айтканда КМШга мүчө-мамлекеттердин Парламенттер аралык ассамблеясынын, ЖККУнун Парламенттик ассамблеясынын, ошондой эле башка эл аралык уюмдар алкагында натыйжалуу кызматташып жатканын белгилеп кетүү жагымдуу.

Садыр Жапаров эки өлкөнүн парламенттер аралык кызматташтыгынын потенциалы чоң экенин белгилеп, бул багыттагы иштер мындан ары да уланат деген ишенимде.

Сүйлөшүү жүрүшүндө Мамлекет башчысы Кыргызстан салттуу түрдө Россия менен соода-экономикалык мамилелерди чыңдоого жана өнүктүрүүгө өзгөчө маани берерин белгиледи. Өткөн жылдын жыйынтыгы менен Кыргызстандын Россия менен тышкы соода жүгүртүүсү рекорддук деңгээлге жетип, үч миллиард АКШ долларынан ашты. Учурдагы мүмкүнчүлүктөрдү жана ниеттерди эске алуу менен соода жүгүртүүнү жана инвестициялык кызматташууну мындан жогорку деңгээлге чыгаруу толук реалдуу.

Ошону менен бирге Президент Садыр Жапаров эки өлкөнүн евразиялык интеграциянын алкагында жигердүү кызматташуусу өнүгүп жатканын канааттануу менен белгиледи. Үстүбүздөгү жылы Россиянын ЕАЭБ органдарындагы төрагалыгынын алкагында Кыргызстан орус тараптын демилгелерин ар тараптуу колдоого даяр.

Жыйынтыгында тараптар саясий, соода-инвестициялык, маданий-гуманитардык жана башка тармактарда өз ара аракеттенүүнү мындан ары өнүктүрүүгө көмөктөшүүнү макулдашты.