Касымалиев “Манас Ордо” комплексинин реконструкциялоо иштери менен таанышты

Министрлер Кабинетинин Төрагасы-Президенттин Администрациясынын Жетекчиси Адылбек Касымалиев Талас облусуна болгон иш сапарынын алкагында Кыргыз Улуттук “Манас Ордо” комплексине барып, аны реконструкциялоо иштери менен таанышты.

Жалпы суммасы 1 млрд. 300 млн сом сомго жасалып жаткан реконструкциялоо иштеринен кийин “Манас Ордо” комплекси күнүнө 10 000 адамды кабыл алуу мүмкүнчүлүгүнө ээ болот. Курулуш иштерин ушул жылдын июль айына бүткөрүү пландалууда.

Иш сапардын жүрүшүндө МинКаб башчысы Талас облустук юстиция башкармалыгынын административдик имараты “Юстиция үйүнүн” жаңы имаратын ачты. Республикалык бюджеттин эсебинен курулган имарат заманбап шарттары менен камсыздалып пайдаланууга берилди.