Ноокатта 21 жаштагы келин асынып каза болду
Ош облусунун Ноокат районунда 21 жаштагы келин асынып каза болду. Бул тууралуу облустук милициядан билдиришти.
Маалыматка ылайык, райондук милицияга 20-февраль күнү Көк-Бел айыл аймагынын 2005-жылы туулган А.А. аттуу тургуну өзүнүн үйүндөгү мал сарайда асынып каза болгону жөнүндө билдирүү келип түшкөн.
Аталган факт каттоого алынып, тергөөгө чейинки текшерүү иштери башталган. Ошондой эле тиешелүү соттук-медициналык экспертиза дайындалган.
Милиция учурда тергөөгө чейинки текшерүү иштери уланып жатканын кабарлады.
