Былтыр чакан жана орто бизнеске 482 млн сом насыя берилди

2025-жылы Кыргызстанда чакан жана орто ишкердик менен алектенгендерге 482 млн 560 миң сом жеңилдетилген насыя берилди. Бул тууралуу Финансы министрлигинен билдиришти.

Маалыматка ылайык, жеңилдетилген насыяны 147 каржылоо субъектиси алды.

Белгилей кетсек, насыя өлкөдө чакан жана орто ишкердик чөйрөсүнө мамлекеттик колдоо көрсөтүү жана өнүктүрүү максатында министрлер кабинети тарабынан бекитилген “Чакан жана орто ишкердик субъекттерин жеңилдетилген насыялоо” долбоорунун алкагында берилди.