Кыргызстанда педагогдордун айлыгы 2026-жылы эки этап менен жогорулайт
Кыргызстанда педагогика кызматкерлеринин айлыгы 2026-жылы эки этап менен – апрелде жана октябрда жогорулайт. Бул тууралуу агартуу министри Догдуркул Кендирбаева билдирди.
Анын айтымында, министрликтин адистери Финансы министрлиги менен биргеликте айлык акыны жогорулатуу механизмин иштеп чыгууда.
Биринчи кезекте алар эң аз төлөнүүчү категориялардын — окуу-тарбия иштери боюнча жетекчилердин, бала бакчалардын башчыларынын, социалдык кызматкерлердин, методист жана мектеп ашканасынын кызматкерлеринин эмгек акысын жогорулатууну пландаштырууда.
“Учурда педагогика кызматкерлеринин ушул категорияларындагылар эң аз айлык алат. Алардын айлыгын жогорулатуу маселеси күн тартибинде турат”, – деп баса белгиледи министр.
Мындан тышкары, Кендирбаева кошумчалагандай, Бишкектин мугалимдери аймактардагы кесиптештерине караганда көбүрөөк айлык алат, анткени шаардык мэрия негизги жүктөмдөн ашык иштеген сааттарды жабууга кошумча каражат бөлөт.
