Курулуш министрлиги Эгемендүүлүк күнүнө карата 115 объектти пайдаланууга берет
Курулуш министрлиги 31-августка карата 115 объектти пайдаланууга берилет.
Ведомстводон билдиришкендей, министрлер кабинетинин тапшырмасына ылайык, Курулуш министрлиги тарабынан 31-августка карата 100 социалдык жана инфратүзүмдүк объектини пайдаланууга берүү пландалган.
Курулуш, архитектура жана турак жай-коммуналдык чарба министрлиги 2025-жылга белгиленген планды ашыра аткарып, 115 социалдык объекттинин курулушун жана капиталдык оңдоо иштерин аяктады.
Белгилей кетсек, 2024-жылы Эгемендүүлүк күнүнө карата 107 объект пайдаланууга берилсе, быйыл бул көрсөткүч өсүп 115ке жетти.
Алардын ичинен:
- 63 мектеп
- 19 бала бакча
- 11 саламаттыкты сактоо мекемеси
- 13 спорттук жай
- 3 маданий жай
- 6 башка тармактагы объект пайдаланууга берилет.
Бул максатта республикалык бюджеттен 10 млрд сомдон ашык каражат бөлүнүп, 115 объектинин курулуш иштерине жумшалды.
Мындан сырткары, 2025-жылдан аягына чейин 100дөн ашык социалдык жана инфратүзүмдүк объектини пайдалануу берүү пландалган.
