Уланбек Мамбетакунов менен Кытайдын элчиси билим берүү тармагындагы кызматташтыкты талкуулашты

19-октябрда Билим берүү жана илим министри Уланбек Мамбетакунов кытай тараптын демилгеси менен Кытай Эл Республикасынын Кыргыз Республикасындагы Атайын жана ыйгарым укуктуу Элчиси Ду Дэвэнь менен жолугушту.

Тараптар алдыдагы окуу жылына карата Кытайдын жогорку окуу жайларында бюджеттик орундарды берүү, Кыргыз-Кытай класстарын, факультеттерин жана институттарын түзүү, илимий-техникалык кызматташтыкты кеңейтүү, Кыргызстандын аймактарындагы билим берүү уюмдарына материалдык-техникалык жардам көрсөтүү мүмкүнчүлүктөрүн талкуулашты.