Мигранттардын саны боюнча Бишкек, Ош жана Чүй алдыда
2025-жылдын биринчи кварталында Кыргызстанга туруктуу жашоо үчүн 3,6 миң адам келсе, өлкөдөн 0,5 миң гана адам чыккан. Мындай маалыматты Улуттук статистикалык комитет жарыялады.
Ведомстводон билдиришкендей, миграциянын таза өсүшү 3 миң адамды түздү, бул 2024-жылдын ушул мезгилиндеги көрсөткүчтөн (2 миң адам) кыйла жогору.
Негизги тенденциялар:
Тышкы миграция менен келүүнүн интенсивдүүлүгү өстү.
Граждандардын республикадан чыгып кетүү интенсивдүүлүгү төмөндөдү.
Республика ичиндеги миграциянын көлөмүнүн өсүшү жанданды – жарандар өлкө ичинде активдүүрөөк көчүп жатышат.
Мигранттар кайда отурукташат?
Тышкы миграция боюнча келүүнүн эң жогорку деңгээли:
- Ош шаары,
- Бишкек,
- Чүй облусу.
Мигранттар үчүн эң аз жагымдуу аймак Нарын облусу бойдон калууда.
Эксперттердин белгилешинче, миграциянын агымынын өсүшү экономикалык шарттардын жакшырышы, жумушка орношуу мүмкүнчүлүктөрү, ошондой эле мекендештерди репатриациялоо жана интеграциялоо программалары менен байланыштуу болушу мүмкүн.
Ички миграция өз кезегинде, айрым аймактарда жумуш орундарынын жана инфраструктуралык мүмкүнчүлүктөрдүн топтолушун чагылдырат.
