Кыргызстандагы чет өлкөлүктөр 10-июнга чейин жүрүүсүн айыпсыз мыйзамдаштыра алат
Кыргызстандагы чет өлкөлүктөр 10-июнга чейин жүрүүсүн айыпсыз мыйзамдаштыра алат. Бул тууралуу Эмгек, социалдык камсыздоо жана миграция министрлиги билдирди.
Мыйзамдаштыруу укугун ким пайдалана алат?
Миграция мыйзамдарын бузган бардык чет өлкөлүк жарандар жана жарандыгы жок адамдар, анын ичинде:
- мөөнөтү бүткөн виза же туруктуу жашоого уруксаты менен;
- мыйзамдуу болгондугун тастыктаган документтери жок;
- кирүү же транзит эрежелерин бузгандар.
Мыйзамдаштыруу эмнени камсыз кылат?
Укуктук абалды жөнгө салууга ыктыярдуу кайрылуу административдик айыптардан жана санкциялардан бошотот. Бул Кыргызстанда мыйзам бузуулар менен көптөн бери жүргөндөр жана азыр өлкөдө мыйзамдуу түрдө калууну, иштөөнү же жашоону каалагандар үчүн өзгөчө маанилүү.
Эмне кылуу керек?
- Жарактуу паспорту бар.
- Виза алуу
Тышкы иштер министрлигине “Электрондук виза” порталы аркылуу кайрылса болот, же 0 (312) 66 30 70, 0 (703) 42 88 65, 0 (999) 312 002 (24/7 ) номерлерине байланышуу керек;
- Туруктуу жашоого уруксат. Эмгек, социалдык камсыздоо жана миграция министрлигине кайрылуу зарыл. Байланыш номерлери: 0 (312) 66 39 64, 0 (509) 99 97 79
- Каттоо эсеби. “Кызмат” мамлекеттик мекемесинин Калкты тейлөө борборлоруна “Онлайн каттоо” порталы аркылуу кайрылуу шарт. www.ereg.e-gov.kg
Байланыш телефондору: 0 (312) 38 00 98, 0 (999) 38 00 25, 119;
- Ички иштер министрлиги аркылуу текшерүү. Виза алууга эч кандай тоскоолдук жок деген маалымкат алуу үчүн ИИМдин каалаган бөлүмүнө кайрылуу шарт. Байланыш телефондору: 0 (312) 26 61 70, 0 (702) 82 80 28, 0 (700) 84 84 40
Белгилей кетсек, Эмгек, социалдык камсыздоо жана миграция министрлиги бардык кызыкдар тараптарды процессти кечиктирбөөгө жана 2025-жылдын 10-июнуна чейин мүмкүнчүлүктөн пайдаланып, өлкөдө болушун эч кандай кесепети жок мыйзамдаштырууга чакырат.
