Өкмөт гүлбакчасы жаңыланды
«Тазалык» муниципалдык ишканасынын кызматкерлери Өкмөт гүлбакчасындагы аянты 2200 чарчы метрди түзгөн таманташтарды алмаштырды. Алмаштыруу иштерине 35 кызматкер жана 3 бирдик атайын техника тартылган.
Ошондой эле, 325 погон метр жөнөкөй бордюрлар алмаштырылып, 62 погон метр гранит бордюрлар оңдолду.
Буга чейин ишкананын кызматкерлери Жогорку Кеңештин имаратынын түндүк тарабындагы Чүй проспектисинин Логвиненко көчөсүнөн Панфилов көчөсүнө чейинки бөлүгүндөгү таманташтарды алмаштырган.
