Министр Нурболот Мирзахмедов Ош облусуна болгон иш сапарын Араван районунан баштады

   Бүгүн, 2018-жылдын 30-май күнү Кыргыз Республикасынын Өзгөчө кырдаалдар министри Нурболот Мирзахмедов Ош облусундагы сел, суу ташкындарынан кооптуу аймактарды жеринен көрүп, тиешелүү чечимдерди кабыл алуу максатында иш сапарда жүрөт.

Иш сапардын жүрүшүндө министр Нурболот Мирзахмедов Араван районунун Мангыт айыл аймагынын Кесек, Кызыл-Коргон айылдарындагы, А.Анаров айыл аймагынын Маданият айылындагы Араван-Сай дарыясынын нугун жеп жаткан жээктер менен таанышып чыкты.

            Министр Н. Мирзахмедов абалды жеринен көрүп, министрликтин өндүрүштүк-техникалык башкармалыгынын башчысы Халилжан Маллаевге жана Министрликтин Ош облустук башкармалыгынын башчысы подполковник Сабирдан Курбанбаевге   аталган аймактарда жээкти коргоо боюнча алдын алуу жумуштарын жүргүзүү боюнча сунуш киргизүүнү тапшырды.

Маалымат үчүн: Араван дарыясы Маңгыт, А.Анаров, С.Юсупова, Нурабад жана Тепе-Коргон айыл өкмөттөрүнүн аймактарынан аралап өтөт. Араван-Сайдын узундугу 48км, 7630га жакын эгин аянттарын жана үлүш жерлерин сугат суу менен камсыз кылат. Суу өткөрүмдүүлүгү 150м3 секунд. Аравансайдын жээктеринде 1460 жакын кожолук жашайт.

 КР ӨКМнин басма сөз кызматы

comments powered by HyperComments
.counter{text-align: center;}